കന്നഡ മണ്ണ് കാവി പുതയ്ക്കുമോ..? എന്താകും ഡി.കെയുടെ തന്ത്രങ്ങള്….
![](https://wetalkmedia.in/wp-content/uploads/2024/04/images-11.jpeg)
വിജയസാധ്യതയില്ലാത്ത സിറ്റിങ് എം പി മാരെ ഒരു ദയയും കാട്ടാതെ മാറ്റിനിര്ത്തിയാണ് ബിജെപിയുടെ സ്ഥാനാര്ഥിനിര്ണയം. പാര്ട്ടിയുടെ കടിഞ്ഞാണ് യെദ്യുരപ്പയുടെ മകന്റെ കൈകളില് എത്തിയശേഷം നടക്കുന്ന ആദ്യ തിരഞ്ഞെടുപ്പാണിത്. പരമാവധി സീറ്റുകള് ഒപ്പിച്ചെടുത്തില്ലെങ്കില് ബി വൈ വിജയേന്ദ്രയുടെ അധ്യക്ഷപദവി ചോദ്യ ചിഹ്നമാകും. അതിനാല്ത്തന്നെ മകന് വേണ്ടി സാക്ഷാല് യെദ്യൂരപ്പ അരയും തലയും മുറുക്കി കളത്തിലുണ്ട്. കര്ണാടകയിലെ പ്രബല സമുദായമായ ലിംഗായത്തുകള് നിയമസഭാ തിരഞ്ഞെടുപ്പിലെ നിലപാട് തിരുത്തി വീണ്ടും ബിജെപിക്കൊപ്പം നില്ക്കുമോയെന്നതാണ് ഏവരും ഉറ്റു നോക്കുന്നത്. ലിംഗായത്തുകള് കൈവിട്ട നിയമസഭാ തെരഞ്ഞെടുപ്പില് ബിജെപിയുടെ കാവി കൊട്ടകളെല്ലാം തകര്ത്ത് കോണ്ഗ്രസ് അധികാരം തിരിച്ചുപിടിച്ചതായിരുന്നു ബാക്കി പത്രം. ലിംഗായത്തുകളുടെയും വൊക്കലിഗരുടെയും എതിര്പ്പ് മറികടന്ന് സിദ്ധരാമയ്യ സര്ക്കാര് ജാതി സെന്സസ് റിപ്പോര്ട്ട് പുറത്തുവിടാന് ഒരുങ്ങുന്നത് രാഷ്ട്രീയ ആയുധമാക്കി ഇരു വോട്ട് ബാങ്കുകളിലും വിള്ളല് വീഴ്ത്തി നേട്ടം കൊയ്യാമെന്നാണ് ബിജെപിയുടെ പ്രതീക്ഷ. ഏറ്റവും ഒടുവിലത്തെ സര്വ്വേകളും ബിജെപി 20ന് മുകളില് സീറ്റ് നേടുമെന്നാണ് പ്രവചിക്കുന്നത്.
- trending