തിരുവനന്തപുരം: എ സി സൂപ്പർ ഫാസ്റ്റ് പ്രീമിയം സർവീസ് തുടങ്ങാൻ കെ എസ് ആർ ടി സി. സർവീസ് ആദ്യ ഘട്ടം തിരുവനന്തപുരം മുതൽ എറണാംകുളം വരെയായിരിക്കും. ഇത് കേരളത്തിന്‌ കെഎസ്ആർടിസിയുടെ ഓണ സമ്മാനമെന്ന് മന്ത്രി ഗണേഷ് കുമാർ പറഞ്ഞു. ബസിന്റെ പരീക്ഷണ ഓട്ടം മന്ത്രി നിർവഹിച്ചു.

ആകെ 220 ബസുകളാണ് കെഎസ്ആർടി സി വാങ്ങുന്നത്. ആദ്യഘട്ടത്തിൽ 48 എണ്ണം വാങ്ങിക്കും. ടാറ്റാ അശോക് ലൈലാൻഡ് കമ്പനിയിൽ നിന്നാണ് ബസുകൾ വാങ്ങുന്നത്. ബസ് ഒന്നിന് 36 ലക്ഷം രൂപയാണ് വിലവരിക. 40 സീറ്റുള്ള ബസിൽ പുറക് വശത്തെ സീറ്റ് ഒഴികെയെല്ലാം പുഷ്ബാക്കാണ്. എസി പ്രവർത്തിച്ചില്ലെങ്കിൽ ബസിൻ്റെ വശങ്ങളിലെ ഗ്ലാസ് നീക്കാവുന്ന തരത്തിലാണ് രൂപകൽപ്പന.