കടമെടുപ്പ് പരിധി: കേരളത്തിന്റെ ഹര്ജി ഇന്ന് സുപ്രീംകോടതിയില്
കടമെടുപ്പ് പരിധിയുമായി ബന്ധപ്പെട്ട് കേന്ദ്രത്തിനെതിരെ നല്കിയ കേസ് സുപ്രീം കോടതി ഇന്ന് പരിഗണിക്കുന്നതില് പ്രതീക്ഷയര്പ്പിച്ച് കാത്തിരിക്കുകയാണ് സംസ്ഥാന സര്ക്കാര്. കടമെടുപ്പ് പരിധി വെട്ടിക്കുറച്ച കേന്ദ്ര സര്ക്കാര് തീരുമാനത്തെ ചോദ്യം ചെയ്ത് കേരളം സമര്പ്പിച്ച ഹര്ജിയാണ് ഇന്ന് പരമോന്നത കോടി പരിഗണിക്കുന്നത്. ജസ്റ്റിസുമാരായ സൂര്യകാന്ത്, കെവി വിശ്വനാഥന് എന്നിവര് അടങ്ങിയ ബെഞ്ചാണ് ഹര്ജി പരിഗണിക്കുന്നത്.
അതിനിടെ കടുത്ത സാമ്പത്തിക പ്രതിസന്ധിയില് പെട്ടുഴലുന്ന കേരള സര്ക്കാരിന് തിരിച്ചടിയായി ശമ്പള വിതരണത്തിലെ പ്രതിസന്ധി. ജീവനക്കാരുടെ ശമ്പള വിതരണം തുടങ്ങി മൂന്നാം ദിവസവും പ്രതിസന്ധി തുടരുകയാണ്. ട്രഷറിയില് നിന്ന് പണം പിന്വലിക്കുന്നതിന് നിയന്ത്രണം തുടരുന്നതിന് ഒപ്പം ശമ്പള വിതരണവും ഭാഗികമായേ ഇപ്പോഴും നടക്കുന്നുള്ളു. അധ്യാപകര്ക്കും ആരോഗ്യ പ്രവര്ത്തകര്ക്കും ഇതുവരെ ശമ്പളം കിട്ടിയിട്ടില്ല.
ശമ്പള വിതരണം ഉടന് പൂര്ത്തിയാക്കിയില്ലെങ്കില് ഡ്യൂട്ടി ബഹിഷ്കരിക്കുമെന്നാണ് കേരള ഗവ. നഴ്സസ് യൂണിയന് സര്ക്കാരിന് നല്കിയ മുന്നറിയിപ്പ്. വിഷയത്തില് സ്പീക്കര് ഇടപെടണമെന്നും അതല്ലെങ്കില് ജോലി ബഹിഷ്കരിക്കേണ്ടിവരുമെന്നും നിയമസഭാ ജീവനക്കാരും മുന്നറിയിപ്പ് നല്കിയിട്ടുണ്ട്. പ്രശ്നത്തിന് എന്ന് മുതല് പരിഹാരമാകുമെന്ന കാര്യത്തില് ഇതുവരെ വ്യക്തത വന്നിട്ടില്ല.