എക്കോ റിക്കോർഡിംഗ് പ്രൈവറ്റ് ലിമിറ്റഡ് സംഗീത അവകാശത്തെ ചോദ്യം ചെയ്തതിന് ശേഷം പകർപ്പവകാശത്തിന്റെ പശ്ചാത്തലത്തിൽ മാത്രമാണ് ഈ പ്രസ്താവന നടത്തിയതെന്നും ഇളയരാജ സംഗീതം നൽകിയ പാട്ടുകളുടെ മേൽ ഇളയരാജയുടെ അവകാശം ഉറപ്പിക്കാനാണെന്നും സംഗീതസംവിധായകന്റെ കൗൺസൽ-ഓൺ-റെക്കോർഡ് എ. ശരവണൻ കോടതിയോട് മറുപടിയായി പറഞ്ഞു. .

”മാധ്യമങ്ങൾ അത് മറ്റൊരു സന്ദർഭത്തിൽ എടുത്തുപയോഗിച്ചതാണ്. ഇളയരാജ ഒരിക്കലും അങ്ങനെയാണെന്ന് സ്വയം പ്രഖ്യാപിക്കുന്നില്ല അദ്ദേഹത്തിന്റെ അവകാശത്തിന്റെ അടിസ്ഥാനത്തിലാണ് മുതിർന്ന അഭിഭാഷകൻ ആ പ്രസ്താവന നടത്തിയത്,” എന്നായിരുന്നു ശരവണന്റെ വാദം. ഇളയരാജ സംഗീതം നൽകി 4,500ലധികം പാട്ടുകൾക്ക് അദ്ദേഹത്തിന് പ്രത്യേക അവകാശം നൽകിയ 2019ലെ സിംഗിൾ ബെഞ്ച് ഉത്തരവിനെതിരെ എക്കൊ റെക്കോർഡിങ് കമ്പനി പ്രൈവറ്റ് ലിമിറ്റഡ് മദ്രാസ് ഹൈക്കോടതിയിൽ സമർപ്പിച്ച ഹർജിയിലാണ് കോടതി വാദം കേൾക്കുന്നത്. കേസ് ഏപ്രിൽ 24-ലേക്ക് മാറ്റിവച്ചു.